تازہ ترین

Post Top Ad

loading...

بدھ، 7 جون، 2017

Gar Mujh Se Muhabbat Hai Jatane Ke Liye Aa




کلام: اسعد قاسمی(00919958401915)                                                                                                        بتاریخ 30 ستمبر 2016

گر مجھ سے محبت ہے جتا نے کے لئے آ 
میں روٹھ چکا ہوں تومنانے کے لئیے آ

رہتی ہے کئی روز سے رنجیدہ صنم تو 
گزری جو ترے دل پہ بتانے کے لئے آ 

تکلیف سے پہنچا ہوں میں کانٹوں سے نکل کر 
ایسے میں تو ہمدم نہ گرانے کے لئے آ 

کچھ لوگ سمجھتے ہیں کہ عاشق ہوں میں تیرا 
سچ کیا ہے یہ دنیا کو بتانے کے لئے آ 

سویا ہی نہیں بعد جدائی کے کبھی میں 
کچھ دیر صنم آج سلانے کے لئے آ 

تو پچھلی عداوت کو ترے دل سے بھلا کر 
الفت کے ترانے تو سنانے کے لئے آ 

اپنا تو بناتی ہے سبھی کو جو ادا سے 
وہ ناز و ادا مجھ کو بتانے کے لئے آ 

غزلیں جو سنائی تھیں کبھی میں نے تجھے بھی 
کچھ یاد اگر ہیں تو سنانے کے لئے آ 

اسعد نے ترے واسطے سب کچھ ہے لٹا یا 
باقی جو بچا دل ہے، چرانے کے لئیے آ .

Post Top Ad

loading...